مدرس جديد في شلاتين

السلام عليكم و رحمة الله و بركاتة
انا قرأت عن اعلان لادارة شلاتين طالبه مدرسين فرنساوي و رياضيات , و عشان انا مدرسة رياضيات و جوزي مدرس فرنساوي .... ففكرت انا جوزي ان اقدم انا هو للوظيفة

و عرفت بعد كده ان الوظيفة حتكون مدرس بالحصة ... هو السؤال دلوقتي انا من سكان القاهرة

و جوزي اهله من الارياف بمعنى اني كنت عاوزة اعرف عن طبيعة العيشة في حلايب و شلاتين

يا ترى الواحد حيقدر يستحملها ولا ايه

كمان بالنسبة للوظيفة ايه اخبار السكن ايه نوع السكن الي بتقدمة الادارة للموظيفين ؟؟
و كمان المرتب بيكون كل شهر و لا كل 3 شهور زي القاهرة ؟؟؟؟

و بصراحة انا معرفش اي حاجة عن البلد ياريت صور و لا اي حاجة عشان الواحد يعرفها كويس؟؟ و لكم جزيل الشكر

انا قدمت انا و جوزي في اخر مسابقة , و ارجو من الله سبحانة و تعالي ان يوفقنى اذا كان هذا فيه الخير لينا ... و الف شكر على الرد .....

هي الفكره ... ان انا جوزي كبار ياعني مش حديثي التخرج زي ما هما عاوزين ,, يا عني يا ريت الواحد ربنا يوفقه لو كان فيه الخير للجميع

انا بس بسأل عشان اعرف ان او جوزي طبيعة المكان الي الواحد حيروح فيه , لان تبعات الانتقال هو الابتعاد عن الاهل

و كمان كنت عاوزه اسأل بخصوص السفر و خصوصا في الوقت الي احنا فيه ده .. ايه اخبار البلطجية ولا هما في القاهرة و المحافظات التانية و بس

و الف شكر مرة تانية على الرد .... و انا في انتظار الصور

يا ريت يا جماعة اي حد يعرف ناس في المديرية التربية و التعليم الي في الغردقة عشان اعرف نتيجة المسابقة الي كانوا اعلنوا عنها في طلبهم لمدرسين بنظام الحصة

انا عايزة اعرف النتيجة ظهرت ولا ايه و كمان يا تري .. حتظهر امتي و انا ان شاء الله حبعت حد عشان يشوف النتيجة

عشان انا من القاهرة و المشوار حرام الواحد يروحه كل شوية عشان يسأل على النتيجة

و كمان انا كل ما اتصل بيهم بيقولوا الي عايز حاجة يجي احنا مش بنكلم في التليفون

فيا ريت الاقي اي مساعد من المنتدي .... و لكم جزيل الشكر

الف الف شكر و جعله الله في ميزان حسناتك ...

اخيرا حد رد عليا .. على العموم انا احب اشكرك على هذا المنتدي و جميع العاملين

لان من خلال الموقف الي انا فيه ده عرفت الاقي حد من شلاتين , و فحسيت باهمية الانترنيت حقيقي طبعا

ده غير ان الانترنت ده كان السبب في الثورة ...

و اخير ا الف شكر على الرد و على اهتمامك